Birtanov pen Ábishev Densaýlyq saqtaý mınıstrliginiń jaramsyz aqparattandyrý platformasyn qabyldaý jáne paıdalanýǵa berý arqyly laýazymdyq ókilettikterin asyra paıdalandy dep kúdikke alynǵan.

Komıtet málimetinshe, platforma densaýlyq saqtaý júıesindegi problemalardy jedel sheshý úshin pasıentter, dári-dármekter jáne medısınalyq buıymdar týraly barlyq aqparatty biriktirýi kerek bolǵan.

"Búgingi tańda platforma jumys jasamaıdy jáne ony medısınalyq mekemelerdiń paıdalanbaıtyny jınalǵan dáleldermen rastalady. Oryndalmaǵan jumystardyń quny 4,1 mln. AQSH dollaryn nemese 1,5 mlrd. teńgeni quraıdy. Sondaı-aq, Eljan Birtanov sanıtarıalyq avıasıanyń áýe kemesin 2020 jylǵy maýsymda jeke maqsattary úshin paıdalaný kezinde ókilettikterin asyra paıdalandy dep kúdiktelýde. Aǵymdaǵy jylǵy 7 shildede sotqa deıingi tergep-tekserýdiń aıaqtalǵany týraly jarıalanyp, qylmystyq is materıaldarymen tanysý bastaldy. Ózge aqparat QR QPK-nyń 201-babyna sáıkes jarıa etýge jatpaıdy" delingen aqparattyq habarlamada.

Eks-mınıstr ózine taǵylǵan aıypty moıyndamaıdy. Al onyń qorǵaýshysy Dmıtrıı Kýráchenko "tergeý Birtanovty qýdalaýǵa baǵyttalǵan dep sanaıdy.